اخدت حقنة غلط.. فيفي عبده تكشف تطورت حالتها الصحية

كشفت الفنانة فيفي عبده، عن تطورت حالتها الصحية، بعدما تعرضت لوعكة صحية شديدة تسببت في دخولها إلى إحدى المستشفيات الخاصة، منذ فترة قليلة، بسبب مشاكل في العظام.

ونشرت فيفي عبده، مقطع فيديو لها وهي داخل منزلها وظهرت على السرير، عبر حسابها الشخصي بموقع تبادل الصور والفيديوهات الشهير”إنستجرام”.

وحرصت فيفي عبده، تطمئن جمهورها على الحالة الصحية قائلة “بشكركم على حبكم وسؤالكم عليه وربنا يخليكم ليا، أنا عايزة أقولكم أنا بخير والحمد لله رب العلمين هو بس واحد إداني حقنه، غلط لمست العصب ده كل الموضوع مفيش غير كده، والدكاترة بيرجعولى إحساس العصب تانى”.

وأضافت فيفي عبده حديثها “لكن أنا كويسة جدًا وفي نعمة، وعايزة أطمن كل جمهوري عليه، وكل المحطات اللي بتتصل بيا عشان أعمل مداخلات، أنا آسفة جدًا لأن باخذ أدوية اعصاب فبنام وبقوم في أي وقت وأنا بشكركم جدا”.

كما أشارت عن عودتها لجمهورها خلال الفترة المقبلة قائلة “إن شاء الله قريب هكون معاكم لايف وأرقص واتطنط تانى كالعادة.. هما بيكبروا الموضوع أوى وبيموتونا ويصحونا على كذا مرة حرام عليهم والله من الشائعات دي”.