Notice: Trying to access array offset on value of type bool in /home/msr4/public_html/wp-content/plugins/wp-word-count/public/class-wpwc-public.php on line 123
نشرت الفنانة دينا الشربيني عبر صفحتها الشخصية على موقع التواصل الاجتماعي فيس بوك ، أسرار علاقتها مع الفنان الراحل هيثم أحمد زكي.
وجاء نص منشور دينا الشربيني على النحو التالي : أنا مبعرفش اكتب ولا عمرى كتبت .. بس أنا مش قادره اصدق أنى مش هشوفك تانى!! ولا هتكلمنى فى التليفون تانى وتقولى يالا نتقابل..ولو مردتش عليك الاقيك بعتلى مسدچ بتقللى طظ فيكى مش هكلمك تانى ، وأول ما ابعتلك اقللك يابنى ملحقتش ارد ده التليفون رن مرتين تقللى خلاص امسحى المسدچ وكأنى مبعتلكيش حاجه..
وأضافت “طول اليوم كنت بهرب من أنى اصدق ان ده حصلك أنت ياهيثم…لحد ما جيت انام دلوقتي ومش هاين عليا أنام واحنا سيبينك لوحدك..
كنت دايما تقلنا كلنا اسألوا عليا لحسن اموت لوحدي و محدش يعرف..
كنت طيب وجدع وحنين وعامل زى العيال الصغيرة”.
وتابعت “نفسى نحب بعض كلنا ونخاف على مشاعر بعض ، مش لازم نستنى حد فينا يموت علشان نفهم ان الدنيا مش مستهله.. هيثم شاف أيام صعبه وضغط كبير من الناس وتنمر ومقارنه مش عادله وللأسف مشفش حب الناس لى الإحنا شايفينه دلوقتي”.
واختتمت بقولها “انا عارفه انك فى مكان احسن من الاحنا فيه وسط حبيبك..كان نفسك ترحلهم واديك رحت يا هيثم”.
وتلقى الوسط الفني صدمة كبيرة بوفاة الفنان هيثم أحمد زكي عن عمر يناهز ال 35 اول أمس الخميس بعد تغرضه لهبوط حاد في الدورة الدموية.